Talde dinamikak

Sokatiran jolasean

• Adina. 8 urtetik aurrera.
• Lekua. Edonon.
• Beharrezko materiala. Soka luzea, zapia eta klera.
• Antolakuntza. Zortziko taldetan antolatuko gara eta beste batek epaile lanak beteko ditu.
• Jolasaren azalpena:
• Sokaren erdi-erdian zapia lotuko dugu.
• Lurrean metro bateko tartea izango duten hiru lerro margotuko ditugu.
• Ondoren, joko-eremuan bi taldeak eta epailea kokatuko dira.
• Talde bakoitzak aurkako taldea sokari tira eginez beraiengana erakartzea izango du helburu.
• Batak bestearen aurka bi tiraldi jokatuko ditu eta biak irabazten dituen taldea izango da garailea.
• Tiraldia irabazteko talde batek erdiko zapia beretik gertuen duen marka pasatzea lortu behar du.
• Teknika:
• Soka eusteko, eskuineko eskua sabeletik gertu jartzen da eta ezkerrekoa horren aurrean.
• Oin bat bestea baino aurrerago kokatzen da.
• Arauak:
• Lurra ezin da oinak ez diren beste edozein gorputz-atalekin ukitu.
• Ezin da lurrean etzan. Gainera tiratzaile guztiek batera tira behar dute.
• Sokari era klasikoan eutsiko zaio, ezin da beste edozein eratan eutsi.