Arauak

Arau zehatzak

Idi-probetan aritzen direnek, era honetan egin beharko diete tira harriei:

• Probalekuen luzera aldatu egiten da. Distantzia desberdin asko daude, 22 metrotik 28 metrora bitartekoak. Plaza gehienak uharriz estalita daude.
• Denbora jakin batean ahalik eta plaza gehien egitea da probaren helburua, idi-pareaz baliatuz.
• Lehiakide bakoitzari ematen zaion denbora, oro har, 30 minutukoa izaten da.
• Denbora tartea edozein izanik ere, tarte hori amaitutakoan idiek egindako distantzia neurtzen dute epaileek. Distantzia hori plaza, zinta eta zentimetrotan ematen dute.
• Parte hartzen duen idi-kopuruaren arabera, probak uztarri bakarrean egin daitezke, harria idi bakarrak arrastatzen badu, edo bikoteka.
• Akuilariek gogokoen dituzten akuiluak erabiliko dituzte, baina eztena ezin izango da 11 milimetro baino handiagoa izan.
• Matxurak akuilariek konponduko dituzte.
• Animalien jardunean gertatzen diren matxura kasuetan, bi lagun beharko dira matxura konpontzeko.

Arau orokorrak

• Probak, horretarako prestatutako probalekuetan egingo dira.
• Eraman beharreko harriek zulo bat izango dute aurreko aldean, katea pasatzeko eta ziria jartzeko.
• Probalariek plaza edo iltzea egin dutela ulertuko dugu, harriaren aurreko aldeak irteera gunearen beste aldean dagoen marka edo lerroa zapaltzen duenean.
• Harria ezingo da probalekuko alboetako marketatik atera.
• Harriaren alde bertikaletako bat alboetako marretatik aterako balitz, “ustela” izango litzateke. Hori gertatzen denean, probalariek atzera egin beharko dute, harria bere osotasunean atera den gunetik baino atzerago egon arte.
• Proba bukaera epaileak neurtuko du, harriaren aurreko aldean urrutien dagoen zatia kontuan hartuz.
• Proba bukatutakoan, epailea “ustela” adierazten ari bada, marka leku horri dagokiola ulertuko da, harria dagoen lekua kontutan hartu gabe.
• Proba guztietan plazako epaileak hartuko du parte. Plazako epailea federazioko kide izango da.