Arauak

Kategoriak eta pisuak

• Hainbat kategoria daude:
• Belarra / Goma
• Gizonezkoak / Emakumezkoak
• Senior (18 urtetik aurrera) / Junior (15-18 urte)
• Lehiaketetan taldeak pisuaren arabera sailkatzen dira (480 kiloraino, 520 kiloraino, 560 kiloraino, 600 kiloraino...)

Taldeak

• Taldeak 8 jokalariz osatuak egongo dira eta jokalari batek min hartuz gero gainontzeko 7 jokalariek lehian jarrai dezakete (ez da kopuru txikiagorik onartuko).
• Talde bakoitzak entrenatzaile eta botileroa izan ditzake.

Materiala eta jantziak

• Goman aritzeko, kiroldegietan erabiltzen diren oinetakoak erabiliko dira: aldiz, belarretan aritzeko, oinetako bereziak erabiliko dira (inongo gehigarririk gabe).
• Gerrikoa eramatekotan arroparen gainean jarriko da. Jantzi babesgarriak erabili daitezke kirol-arroparen azpitik.
• Erretxina eskuetan bakarrik eman daiteke, beti ere soka bati eusteko.

Soka

• Soka 33,5 metro luze izango da gutxienez. Zirkunferentzia 10-12,5 zentimetro artekoa izango da. Sokak ez du korapilorik ez eskuetarako heldulekurik izan behar.
• Sokari 3 koloreko 5 zinta jarriko zaizkio.
• bat erdian
• bi zinta erdikotik 4 metrora (belarretan) edo 2 metrora (goman)
• bi zinta erdikotik 5 metrora (belarretan) edo 2,5 metrora (goman)

Lurreko markak

• Lurrean 2 metroko tartea izango duten 3 lerro paralelo margotuko dira.

Teknikaren arauak

• Soka luzatu eta erdiko marka lurreko erdiko marraren gainean jarriko da.
• Jokalariak era klasikoan eutsi behar dio sokari: esku-azpiak gorantz jarrita, soka beso azpitik pasaz eta besoak luzatuz. Oinak belaunen aurretik jarriko dira.
• Lehenengo jokalariak azken markatik 30 zentimetrora eutsiko dio sokari. Azken jokalariak (atzelari deitua) era klasikoan eutsiko dio sokari: soka bizkarretik gurutzatuz, sorbalda gainetik aurrealdera pasaz eta besapetik atzerantz eramanaz.

Arauak haustea

• Esertzea: lurrean nahita esertzea edo irristatu ondoren ez itzultzea zuzenean tiratzeko jarrerara.
• Zorua euskarritzat erabiltzea: lurra hankak ez diren gorputzeko beste edozein atalekin ukitzea.
• Heltzea: sokari era klasikoa ez den beste edozein eratara eustea.
• Eskoratzea: soka besapetik ez pasatzea.
• Jarrera: hanka gainean edo beste edozein atalen gainean esertzea edo hanka belaunak baino aurreratuago ez izatea.
• Sokan gora igotzea: soka eskuetan barrena pasatzea.
• Arraunean egitea: zoruan behin eta berriz esertzea eta era berean oinak atzera mugitzea.
• Aingura / Atzelariaren jarrera: atzelariaren jarrera ezarritakoa ez izatea.
• Botileroa: botileroak taldearekin hitz egitea hauek tiratzen ari diren bitartean.
• Hankari heldulekua bilatzea: soka tiratu aurretik lurrean edozein marka egitea.
• Alde batera joatea: goma gainean aritzea, joko-eremutik irtetea.