Gaur egun eratorritako kirola

1994. urtean Traineruen Euskal Liga sortu zen. Bertan Kantabria, Gipuzkoa eta Bizkaiko elkarteek hartu zuten parte. 2003. urtean ordea TKE Liga edo San Migel Liga osatu zen eta aurreko liga ordezkatu zuen; bertan Euskadi, Asturias, Kantabria eta Galiziako traineruak aritzen dira.

TKE Liga
Urtea	Lehen postua	Bigarren postua	Hirugarren postua
2003	Astillero	Mecos	Pasai Donibane
2004	Urdaibai	Astillero	Hondarribia
2005	Astillero	Hondarribia	Castro Urdiales
2006	Hondarribia	Castro Urdiales	Orio
2007	Urdaibai	Orio	Hondarribia
2008	Urdaibai	Castro  Urdiales	Orio
2009	Castro Urdiales	San Pedro	Hondarribia
2010	Urdaibai	Orio	Pasai Donibane
2011	Kaiku	Urdaibai	Hondarribia
2012	Kaiku	Hondarribia	Urdaibai

 

Denboraldia ekainaren amaiera aldera hasi eta irailaren amaieran bukatzen da. Hiru hilabete horiek gogorrak izaten dira eta Kantauri itsaso guztian zehar antolatzen dira traineru- estropadak. Ezagunenak Euskal Herrikoak dira, Gipuzkoa (Hondarribia, Zarautz, Orio...) eta Bizkaikoak (Nerbioiko itsasadarra, Ondarroa, Santurtzi...), alegia. Hala ere, estropada ospetsuena Donostiako Kontxako Bandera da, arraunlarien artean “Arraunaren Olinpiada” izenez ezaguna. Ligatik kanpo egon arren, tripulazio guztientzat oso garrantzitsua da txapelketa hori irabaztea. Estropadak iraileko lehen bi igandeetako eguerdiko 12etan ospatzen dira: bi tanda egiten dira zortzi traineru onenekin. Lehen igandeko lau trainerurik onenek ohorezko tanda osatuko dute bigarren igandean. Hiru miliako distantzia klasikoa bi luzeratan banatzen da, ziaboga bakar bat eginez.

Euskal Herriko tripulaziorik ezagunenak hauek dira: Orio, Hondarribia, Pasai Donibane, Zumaia, Pasai San Pedro eta Donostia, Gipuzkoan. Eta Bizkaian, Santurtzi, Kaiku, Zierbena, Ondarroa, Urdaibai...