Talde dinamikak

Pilotan jolasten

• Adina. 8 urtetik aurrera.
• Lekua. Horma garbi bat dagoen edozein leku.
• Beharrezko materiala. Gomazko edo larruzko pilota bat.
• Antolakuntza. Talde bakoitza bikote batez osatua egongo da. Partidua bi bikoteen artekoa izango da.
• Jolasaren azalpena:

Horma

Aurrealdea A

Atzealdea B

• Jokalekua marra batez erdibitua egongo da: aurrealdea eta atzealdea bereizirik.
• Partidua hiru tantora jokatuko da.
• Bikote bakoitzak aurrelari bat eta atzelari bat dauka: bikoteko jokalari bat aurrean arituko da (A), eta bestea atzean (B).
• Jokalari bakoitzak bere zonako pilotei bakarrik jo diezaioke.
• Ezingo dute talde bereko bi jokalarik jarraian jo pilotari, hau da, pilota taldekide batek jo badu ezingo dio bere taldekideak jo jarraian.
• Arauak:
• Lehen sakea erabakitzeko, alde bat urdina eta bestea gorria duen metalezko txanpon bat botatzen da airera. Lurrera erori eta aldearen kolorearen arabera izango da sakea.
• Sakea tantoa lortu duen bikoteak izango du.
• Galtzen duen bikotea kaleratua izango da.
• Ateratzen den bikotearen ordez beste bikote bat sartuko da.
• Bikote batek ezingo ditu jarraian hiru partidu baino gehiago jokatu.