Arauak
- Palanka metalezko barra luze bat da.
- Palankak neurri eta pisu desberdinak ditu:
- Gizonezkoen palankak 3,5 kilo pisatzen ditu, eta 1,5 metroko luzera dauka.
- Emakumezkoen palankak, 2,5 kilo pisatzen ditu 1,30 metroko luzera dauka.
- Hainbat jaurtiketa mota daude baina hiru dira ezagunenak:
- Bularrez: palanka besoaren mugimenduaren bitartez jaurtitzen da. Eskuineko hanka lerroaren gainean jartzen da, barra erditik eutsi eta eskua luzatzen da. Bultzada hartzeko buelta erdia egin eta palanka botatzen da.
- Biraka: bularrez bezala baina abiada hartzeko kirolaria bere baitan birak egiten ditu. Lerrotik metro batzuetara jartzen da eta bertara biraka hurbiltzen da bultzada hartzeko. Lerrora iristean barra jaurtitzen da.
- Hankapetik: kirolaria zelaiari bizkarra emanik kokatzen da. Palanka hanken artean eta eskuekin muturretik helduta atze aldera jaurtiko du.
Honako lizentzia hauek babestua: Creative Commons Attribution Non-commercial Share Alike 3.0 License